पाऊस कधीचा पडतो
झाडांची हलती पाने,
हलकेच जाग मज आली
दु:खाच्या मंद सुराने
डोळ्यांत उतरते पाणी
पाण्यावर डोळे फिरती,
रक्ताचा उडला पारा
या नितळ उतरणीवरती
पेटून कशी उजळेना
ही शुभ्र फुलांची ज्वाला,
तार्यांच्या प्रहरापाशी
पाऊस असा कोसळला
संदिग्ध घरांच्या ओळी
आकाश ढवळतो वारा,
माझ्याच किनार्यावरती
लाटांचा आज पहारा
_ ग्रेस
झाडांची हलती पाने,
हलकेच जाग मज आली
दु:खाच्या मंद सुराने
डोळ्यांत उतरते पाणी
पाण्यावर डोळे फिरती,
रक्ताचा उडला पारा
या नितळ उतरणीवरती
पेटून कशी उजळेना
ही शुभ्र फुलांची ज्वाला,
तार्यांच्या प्रहरापाशी
पाऊस असा कोसळला
संदिग्ध घरांच्या ओळी
आकाश ढवळतो वारा,
माझ्याच किनार्यावरती
लाटांचा आज पहारा
_ ग्रेस
0 comments:
Post a Comment