ती येते आणिक जाते (Ti yete anik jaate by Aarati Prabhu)

ती येते आणिक जाते
येताना कधी कळ्या आणिते
अन जाताना फुले मागते

येणे-जाणे, देणे-घेणे
असते गाणे जे न कधी ती म्हणते

येताना कधी अशी लाजते
तर जाताना ती लाजविते
कळते काही उगीच तीहि
नकळत पाही काहीबाही
अर्थावाचून उगीच नाही नाही म्हणते

येतानाच कसली रीत
गुणगुणते ती संध्यागीत
जाताना कधी फिरून येत
जाण्यासाठीच दुरून येत
विचित्र येते विरून जाते जी सलते

_ आरती प्रभू